一條鼻涕蟲 整冧鐵路系統 令過萬人遲到?

19+

 

地鐵有故障,原因你大致上都講得出。

 

如果新聞報俾你聽,因為有條蟲令到系統故障……

你會唔會覺得太荒謬?

 

唔好笑,我係真心嘅。

仲要係發生極之講求準時嘅日本。

 

上個月尾,北九洲市嘅鐵路系統發生故障,

JR鹿兒島線同日豐本線都受阻,為時一個鐘,

影響26班車12000名乘客。

 

工程人員了解事故原因,發現用嚟喺維修時截停供電嘅斷電器出問題。

 

平時呢個裝置係用箱鎖好,仲用膠水封邊防止異物入侵。

但係工程人員就喺斷電器入面,搵到一條電死嘅鼻涕蟲。

 

呢條蟲誤觸電路,整死自己,亦整死埋成個鐵路系統。

 

原來鼻涕蟲係可以擠壓身體,穿過狹窄嘅空間。

就係咁,佢有入冇出……

 

第時返工遲到,你可以唔駛用「地鐵爆胎」呢個咁old school又唔合理嘅理由啦。

賴落條蟲度啦……笨!

原文傳送門

你可能還想看