森美女兒以44分成IB榜眼赴劍橋或留港讀醫 小學已被爸爸大讚自理能力高

森美女兒以44分成IB榜眼赴劍橋或留港讀醫 小學已被爸爸大讚自理能力高
森美女兒以44分成IB榜眼赴劍橋或留港讀醫 小學已被爸爸大讚自理能力高

森美係娛樂圈中其中一名學霸,曾就讀於名校聖士提反書院、喇沙書院及新亞書院,會考考獲25分及畢業於中文大學新聞及傳播學系,原來除咗自己讀書叻,其囝囝囡囡一樣咁勁,兒子梁曦樂於2021年英國A-Level獲得4科A*佳績,最後選擇回港升讀香港大學醫學系,而細女梁曦童(Charisse)就於前日(6日)以44分成為IB榜眼。

國際文憑大學預科課程(IBDP)日前(6日)放榜 ,就讀於聖保羅男女中學嘅森美女兒梁曦童考獲44分,成為其中一位榜眼,森美雖然未有出席,但就表示已獲女兒致電報喜,相信一家人會食飯慶祝及畀女兒與同學去旅行放鬆。而梁曦童於成績發布會接受傳媒訪問時,亦有感謝父母無催谷過佢及容許佢做自己喜歡嘅事,例如爸爸經常叫佢多啲出去同朋友玩或上興趣班,更透露正考慮跟隨哥哥留港升讀醫科或到英國劍橋大學修讀心理學。

梁曦童小學就讀聖保羅男女中學附屬小學,喜歡牧童笛、長笛、敲擊樂等等,當時更加係香港兒童合唱團成員之一;2017年佢更參加美國萬通小太空人計劃,從2000人中脫穎而出成為其中一名小太空人,到美國太空訓練營接受模擬太空人訓練。之後參加城市青年商會舉辦嘅兒童飛龍大使選舉,代表香港到日本福岡與來自約50個國家及地區嘅兒童進行文化交流。過往,森美亦曾於訪問中大讚梁曦童乖女又抵錫,指佢自理能力好高,好多事情都會自動自覺,小學時期做完學校功課,更會自己要求買補充練習。

森美
森美
森美
森美
森美
森美

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!