森美讚潛質無限 戴祖儀做「搞笑擔當」 無懼損歌手形象

戴祖儀唱而優則演,又經常做搞笑節目,曝光率極高。
戴祖儀唱而優則演,又經常做搞笑節目,曝光率極高。

無綫小花戴祖儀樣子甜美兼音樂造詣不俗,經常於社交網自彈自唱,被封為新一代女神,但同時搞笑形象深入民心,她表示不擔心歌手身份被毀,揚言要成為一位出色的搞笑歌手。

森美、戴祖儀(Joey)、賴彥妤、魏韵芝及王嘉慧,昨日宣傳無綫節目《LAW霸女神》,Joey於節目中做「搞笑擔當」,被讚搞笑角色恰如其分,玩遊戲時亦笑料百出。問到會否擔心破壞女神形象?她笑言曾經擔心,雖然經常做搞笑角色,但從沒有放棄歌手身份:「嚟緊會出新歌,下星期去台灣拍MV,係自己創作嘅單曲,好耐冇音樂相關嘅嘢畀大家見到,對上一次係《青春不要臉》入面首插曲,差不多一年前。」

唔急拍拖 寧缺勿濫

問到可擔心大家忘記她是歌手?她說:「其實有危機即係有轉機,話唔定我成功做到第一個搞笑形象嘅歌手呢!不過有時同人講我係歌手,大家都會『吓』一聲,哈哈。」剛過生日的她表示未有人約,不會心急亂找伴侶,寧缺勿濫。

至於森美大讚Joey搞笑潛質無限:「若果仲有《歡樂今宵》,佢應該晚晚開工,但好擔心破壞佢嘅歌手身份,始終歌手形象唔可以太搞笑。」問到會否介紹好男仔給Joey認識?他說:「係都介紹咗畀小儀同麥美恩先,佢哋急切啲。」

賴彥妤(左起)、魏韵芝、王嘉慧與戴祖儀於節目中玩法律問答遊戲。
賴彥妤(左起)、魏韵芝、王嘉慧與戴祖儀於節目中玩法律問答遊戲。
森美為王嘉慧「加冕」。
森美為王嘉慧「加冕」。