楊偲泳咀完談善言 不能自拔

·1 分鐘文章
楊偲泳(左)與談善言拖手仔出席首映,莫非真的「不能自拔」?
楊偲泳(左)與談善言拖手仔出席首映,莫非真的「不能自拔」?

談善言、楊偲泳主演電影《喜歡妳是妳》前晚舉行首映禮,2人與兩位新進導演楊潮凱、吳詠珊等齊齊現身,監製泰迪羅賓亦有到場,未知是否因好友石天離世而不願受接訪問。

楊偲泳笑稱角色較對手百厭:「戲裏戲外都對談善言不能自拔。(同女仔咀嘴有冇尷尬?)冇,因為安排好先拍,大家都熟落咗。(男友張振朗係咪放心好多?)談善言畀我好有安全感,我爸爸都好放心。(畀唔畀男友入場睇?)最緊要觀眾睇得開心啦!」談善言補充說:「導演安排啲工作坊,畀我哋體驗身體接觸動作,所以拍嗰陣都好輕鬆。」

談善言因模仿韓劇《魷魚遊戲》角色非常神似,被網民捧為「港版姜曉」,她笑稱:「只係同經理人玩吓,雀斑都係用眉筆畫上去,冇諗過咁大回響,啲人話我似,可能係我同個角色感覺都好cool同倔強。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能