楊千嬅以陶大宇台風內地獻唱 網民質疑「行走中的CD」咪嘴:真係播CD嘅

·2 分鐘文章
楊千嬅
楊千嬅

中港兩地對楊千嬅唱歌嘅評價一向有反差,內地網民曾指楊千嬅為「行走中的CD」;香港網民則指楊千嬅為「行走中的走音CD」;近日,楊千嬅一段內地獻唱片段又再喺網絡瘋傳,有香港網民更加質疑佢咪嘴。

網上流傳多段楊千嬅喺四川省南充市閬中古城錄影嘅片段,適逢係賀年節目關係,現場環境掛住大紅燈籠,鄉親觀眾們戴住紅色口罩,而楊千嬅就以一身火紅服裝登場,成個人肉利市封咁款。楊千嬅即場獻唱經典歌曲《可惜我是水瓶座》,雖然係廣東話,但楊千嬅唱歌時施展尤如陶大宇「水撥式」台風,令一班鄉親非常投入,跟住佢一齊90度揮手同大合唱,猶如迷你演唱會,成功炒熱氣氛。

影片被瘋傳後,中港兩地網民反應大不同,有內地網民盛讚楊千嬅唱現場穩定,不過亦有網民指楊千嬅唱得好似CD一樣,疑似有咪嘴之嫌:「這是真假唱,所有細節都跟CD一模一樣」、「這就是放的歌」、「這場絕對是對嘴」等等。而香港網民就留言指楊千嬅係咪好窮,要返鄉下唱歌,同埋話佢唔講真係以為係村民:「個妝厚到好似成塊面具咁」等等,有唔少網民仲指佢咪嘴,仲留言:「唔怪得叫行走的CD啦,真係播CD嘅。」

楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能