楊受成籲業主減租度時艱

·2 分鐘文章
楊受成深明同行之苦,望業主伸出援手。
楊受成深明同行之苦,望業主伸出援手。

新冠肺炎疫情肆虐,令電影業面臨前所未見的困境,電影票房更暴跌9成,香港戲院商會呼籲戲院業主減租救亡!英皇院線老闆楊受成接受本報獨家訪問,直言戲院月蝕「天文數字」,發出呼籲,希望戲院業主減租,否則有停業的可能!

香港戲院商會昨日向全港戲院業主發出公開信,指疫情下票房暴跌9成,戲院商無法生存,呼籲業主在此最困難時期取消底租,改為按租戶營業額收租,以紓緩業界在租金上的壓力。

英皇院線老闆楊受成昨日指出,戲院業正處於極低迷的時間,經營相當困難:「首先片源係一個好大問題,因為疫情關係,依家好多電影停咗製作,就算影院日後開番,可以播嘅電影最多捱到明年二至三月,甚至乎一至二月,尚有其他不明朗因素,例如目前中美打緊貿易戰,究竟之後美國片喺內地上映情況會點?暫時冇人知,冇內地市場,相信香港都冇得上。」

蝕「天文數字」 做最壞打算

楊生透露戲院經營舉步維艱,每月面對極大開支,一些旺區的戲院租金動輒600萬以上,還未計人工雜費。過去大半年,為配合政府防疫措施,戲院基本上不能正常運作,現時更處於停業零收入的狀態,經營難上加難!

問及疫情期間蝕了多少錢?楊受成苦笑:「真係唔好意思講,天文數字!(希望業主提供乜嘢幫助?)依家好多業主都有減租,但減嘅幅度幫唔到大家走出呢個困局,因為情況真係好嚴峻,票房跌咗9成!希望業主可以取消底租,用票房營業額收提成租金,一齊共度時艱!如果戲院做唔住,香港人最基本睇戲嘅娛樂都冇埋。」問到月蝕「天文數字」,可有作最壞打算?他無奈表示:「最壞打算係唔做,裝修、設備全部唔要,冇辦法。」

旗下院線受疫情打擊,楊受成坦言蝕到入肉。
旗下院線受疫情打擊,楊受成坦言蝕到入肉。