楊張新悅 復出要睇老公頭

東方日報
·1 分鐘文章
森美與楊張新悅為活動拍宣傳片,飾演夫婦。
森美與楊張新悅為活動拍宣傳片,飾演夫婦。

森美及楊張新悅昨日以「有機大使」身份出席記者會,他們透露為活動拍了宣傳短片,當中飾演夫婦,而楊張新悅亦與樂隊FreshLife合作創作新歌,她笑說:「佢哋好似我個仔,我個年紀真係生得佢哋出,又多咗森美呢個老公,離開咗娛樂圈之後好耐冇同咁多男仔相處。」講到相隔20年再唱歌,她坦言唔慣:「但估唔到把聲同以前一樣。(會唔會復出?)未知,睇吓有冇人搵,都有啲興趣,但睇吓老公點先。(佢唔畀你唱歌?)一時時,可能要喺屋企唱到佢煩,佢就會叫我出嚟唱。」她透露與老公及4名女兒在家可以組合唱團,森美則笑言在家會夾band,老婆及仔女彈樂器,他做主音,但笑指鄰居會好開心,因為可以投訴。