楊思琦拍《無名天使3D》扮被欺凌搏同情?梁思浩開名爆 佘詩曼疑似食死貓

捲入陳彥行另一半身份被公開傳聞嘅梁思浩,早前同江美儀及吳家樂主持YOUTUBE節目《娛樂好好玩》時未有再回應係咪行姐「爆料人」嘅事,但就一如節目預告所講大爆娛圈猛料,仲開名爆前港姐楊思琦大鑊!

梁思浩早前同江美儀及吳家樂主持YOUTUBE節目大爆娛圈秘聞
梁思浩早前同江美儀及吳家樂主持YOUTUBE節目大爆娛圈秘聞

人稱「村長」嘅思浩同自稱「老襯底」嘅江美儀,提到同吳家樂嘅一個小秘密,原來梁思浩同家樂曾經為一位圈中女星出頭,事後先知幫錯人。「村長」憶述多年前同家樂指遇到睇落外表楚楚可憐嘅女星,形容對方係「隻眼未流眼淚,不過都已經『浪』住」」嗰種。思浩話「嗰時家樂未結婚,就唔知係咪昅中人啦……就問(女星)『咩事呀』,對方『我……我……唔講喇……』,最怕呢啲呀!」。

梁思浩話同家樂後來決定幫女星出頭,走去同劇組話『你哋蝦人呀』,點知原來唔係!思浩話要同人道歉呀,因為幫錯咗人。思浩指當時佢以為女星被同劇嘅「霸氣女藝人」蝦,但事後先知楚楚可憐女星拍劇時成日甩對白。「佢拍戲……你甩(對白)嘅,咁人哋都要『你勤力啲讀吓劇本啦』,啱唔啱先?」。

唔少網民都想知邊個係「楚楚可憐女星」,而思浩就俾出3個貼士,分別係港姐出身;而家唔多香港電視幕前演出,喺內地亦冇咩工作;同埋曾經發生轟動全港嘅事。思浩後來又提到事件發生時,「楚楚可憐女星」係同另外2位女藝人同劇,一講完呢點,觀眾紛紛估係楊思琦,而後來梁思浩亦開名係指思琦妹扮可憐。

楊思琦近年冇咩港劇演出,喺內地就捱夜晚晚開直播,同樣冇咩作品
楊思琦近年冇咩港劇演出,喺內地就捱夜晚晚開直播,同樣冇咩作品

楊思琦2003年同佘詩曼及郭羨妮拍劇集《無名天使3D》,當時曾經傳出上位中嘅思琦妹被阿佘同郭羨妮夾埋對付,甚至宣傳活動時同楊思琦公然零交流。網民因為3位女藝人合演劇集呢個線索而估中楊思琦,而被誤會嘅「霸氣女藝人」好有可能就係劇中演其二人上司嘅佘詩曼。

楊思琦2003年同佘詩曼及郭羨妮拍劇集《無名天使3D》
楊思琦2003年同佘詩曼及郭羨妮拍劇集《無名天使3D》

梁思浩憶述事件時都話「唔好睇佢個樣好純品,就俾佢呃咗」,又指佢同吳家樂都見過世面,結果連佢地都上當,可見有人「演技」相當好。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!