楊怡囡囡厭奶勁擔心 向網民求救:應該怎樣餵養?

·1 分鐘文章
加油呀新手媽咪!
加油呀新手媽咪!

藝人楊怡今年4月為老公羅仲謙誕下囡囡小珍珠,作為新手媽咪嘅楊怡現時留家專心湊B,不時喺社交網站分享新手媽媽嘅感受。尋晚佢又更新,上載囡囡揸住奶樽嘅相,透露小珍珠厭奶:「有誰可以告訴我,厭奶寶寶應該怎樣餵養?換奶粉,做了....換奶樽,做了...在寧靜的房間餵,做了....睡着時才餵,做了.....少食多餐,做了....還有爸爸在旁又唱又跳,還有甚麼未做的嗎?」字裏行間感受到楊怡作為媽咪嗰份擔心!

囡囡厭奶期,楊怡擔心向網民請教。
囡囡厭奶期,楊怡擔心向網民請教。

唔少圈中好友陳山聰、胡杏兒、楊秀惠紛紛留言為佢打氣,當中陳敏之留言:「咁快厭奶,開始想食Mom Mom。」而林子善笑話小珍珠似飲醉酒多啲,楊怡亦笑話囡囡似醉羅漢。

楊怡笑囡囡瞓覺似醉羅漢。
楊怡笑囡囡瞓覺似醉羅漢。
星爸媽留言打氣。
星爸媽留言打氣。

除咗一眾藝人,唔少網民都留言建議唔同方法解快BB厭奶期問題,楊怡回覆網民:「多謝大家關心和意見,全部看了,我除了餵人奶都有加奶粉吖,明天就試下大家提供的方法。」羅仲謙亦有留言感謝各位。