楊慧敏喊咁口拉票:我知錯!

東方日報
·2 分鐘文章
楊慧敏揚言希望大家見到她的進步。
楊慧敏揚言希望大家見到她的進步。

近日企圖自殺的前落選港姐楊慧敏昨日出席活動時,承認處理壓力方法不成熟,揚言不會再做傻事。對於網民的抨擊,她感謝網友的意見,坦承自己有很多缺點,並承諾努力改過。

2019年落選港姐楊慧敏最近參加由ViuTV舉辦的《最後一屆口罩小姐選舉》,近日疑受不住網友的負評而企圖服殺蟲水藥及漂白水自殺,昨日進入八強的口罩小姐出席拉票活動,楊慧敏在台上語帶哭腔地說:「好多謝隊長畀機會我入選,令我有機會經歷成長,亦多謝組員嘅包容同鼓勵,有佢哋嘅支持令我敢於面對真正嘅自己。」

受訪時,被問到為何如此想不開?她說:「冇諗自己處理壓力會用咁唔成熟嘅方法,以後都唔會咁做。(好大壓力?)比賽壓力係有,呢一刻睇淡咗勝負。(當刻諗緊乜?)真係嗰一刻嘅情緒。唔止係比賽壓力,而係咁多年不足,了解到自己嘅缺點,想同關心我嘅朋友講聲抱歉。」

至於是否有公主病,她承認有很多缺點:「重點係我知錯同埋好努力改。(唔再炫富?)我唔係有錢人,都係其中一樣需要改善。(少用名牌手袋?)如果逐點講要講好耐,個人品格、修養、同人相處都好想改善。」

黑妹胸前開窿

而身為楊慧敏隊長的藝人193(郭嘉駿)在台上為對方說好話,自言是他為對方塑造炫富形象:「個節目係剪接出嚟,可能會造成誤會,有啲係節目效果。」對於比賽對撼無綫《開心大綜藝》,他坦言沒有留意,但對自己的節目有信心,又突然自爆想參加無綫訓練班。

另外,佳麗黑妹以胸前開窿露腰衫上陣,最為吸睛,講到比賽的泳裝環節,她坦言未準備好,問到屆時會否加胸墊?她笑言:「睇吓當日副偈聽唔聽話。」

佳麗黑妹胸前開窿,成功搶鏡。
佳麗黑妹胸前開窿,成功搶鏡。