楊明被同志抽水 摸勻全身!

東方日報
·2 分鐘文章
楊明回憶被「輕薄」的往事,滴晒汗!
楊明回憶被「輕薄」的往事,滴晒汗!

楊明撞車後復工精神不俗,劇中與黃嘉樂有疑似HeHe場口的他,自爆現實生活中曾被同志輕薄:「周身摸,好似想食咗你咁樣!」認真猖狂!

藝人楊明撞車後已復工個多星期,昨日與王君馨齊齊為無綫新劇《我家無難事》拍外景,劇中兩人有感情線。楊明精神不俗,心情亦已平復,他受訪時說:「交通意外發生後初期係難平復啲,不過公司同監製Amy姐(王心慰)對我好好,好多謝佢哋。依家自己埋首拍攝,心情亦整埋好。」雖然飾演設計師,但亦要拍攝碌樓梯戲份,他透露之前撞車撞傷尾龍骨及盆骨,劇組為遷就他已安排延遲拍攝這部分,他亦找了師傅替他啪骨矯正位置。

兄弟變HeHe

劇情講述他與黃嘉樂是好兄弟,舉止卻令家人和君馨誤會他們是「一對」,問到現實生活中可曾有同志「埋身」?楊明說:「細個多啲,人老咗就冇。我試過畀人輕薄,有啲惡意,有啲就係善意嘅。(惡意嗰啲係點?)好似想食咗你咁樣!想嚟非禮你、周圍摸,我係呆咗㗎,啲眼神好想侵蝕你咁!」

笑拍檔頭大

至於君馨一身文青打扮,明顯消瘦,她表示:「好多人咁講,但我已經肥咗10磅。(你瘦到連頭都細埋!)可能楊明個頭大,拍落去我咪細啲!」她之前拍攝《超能使者》時不慎傷腳,導致韌帶撕裂,昨日她換衫及不用拍攝時,都要撐拐杖及坐輪椅,她說:「傷咗兩個幾星期,依家慢慢開始行得,但行唔到耐。本來上星期已經散瘀,但呢四日要拍完呢個場景,日日企10個鐘,所以又腫番,希望過多兩星期可以行番啦!」並透露本來要為第二首歌拍MV,但現時要延至11月底才拍攝。

楊明正式復工,氹到君馨笑唔停。
楊明正式復工,氹到君馨笑唔停。
王君馨腳傷未愈,要坐輪椅代步。
王君馨腳傷未愈,要坐輪椅代步。