楊洛婷佗「恐龍B」

東方日報
·1 分鐘文章
楊洛婷與囡囡齊玩畫肚皮歡度復活節,Tim更拍片記錄開心一刻。
楊洛婷與囡囡齊玩畫肚皮歡度復活節,Tim更拍片記錄開心一刻。

懷胎6個半月的藝人楊洛婷昨日趁復活節偕囡囡Tanya大玩Dress Up,由「廿四孝老公」Tim揸機,拍攝新短片放上網開心Share。兩母女齊體驗畫肚皮的樂趣,囡囡畫了獨角獸,還幫媽媽作主畫恐龍,事關囡囡睇完BB的4D超聲波相後,一直覺得媽媽腹中的小生命是恐龍,充滿童真。兩母女又興奮大跳肚皮舞,雖然楊洛婷肚大如籮,但無論踎低或扭腰動作都冇難度。

大肚婆昨日受訪時表示:「佗呢胎成個人都Keep住好活躍,只係個肚比上次大,所以容易攰。」至於BB性別,她表示待BB出世才揭曉,又笑言已有不少親友開盤落注,囡囡則估將會迎來弟弟,還「搶先」向鄰居報喜,相當搞笑。