楊玉梅扮美人魚 畀個殼嚇窒

東方日報
·1 分鐘文章
楊玉梅認為性感適可而止亦已夠靚。
楊玉梅認為性感適可而止亦已夠靚。

前亞姐楊玉梅最近客串一集《愛.回家之開心速遞》,更以美人魚造型上陣,但因為原本的造型太性感而被嚇窒。她昨日受訪時說:「以為搞笑戲,點知原來係扮美人魚,但造型太性感,胸前得2個殼,覺得誇張,怕一把年紀畀人笑,後來導演話搵錯衫,最後改咗一個低胸裝造型,都好靚!」對於演戲,楊玉梅稱愛多元化,相反性感就覺得要適可而止,並笑說:「人大咗,着太少布會尷尬!(角色挑戰?)其實做演員,都想好多挑戰,好想畀人發掘自己嘅搞笑天分,我唔介意扮醜,或者演舞小姐、男人都可以!」