楊茜堯全職媽媽 恨拍劇「抖氣」

疫情下照顧小朋友變得更艱難,但楊茜堯與老公都畀足耐性。
疫情下照顧小朋友變得更艱難,但楊茜堯與老公都畀足耐性。

楊茜堯去年底再做媽媽,為老公羅子溢誕下麟兒,與大女「小珍珠」湊成「好」字,一家四口生活幸福美滿。回復全職媽媽身份的她親力親為照顧兩個小朋友,直言比拍劇還要辛苦,今日母親節會與家人留家簡單慶祝。

一對仔女同樣在疫情下出世,身為父母面對的巨大壓力可想而知,茜堯說:「呢個世代好多人都唔生,有疫情就更加。我兩個都係『疫情寶寶』,疫情下要面對生存、抗疫問題,出街要戴口罩、冇得周圍去玩,大人、小朋友都好大壓力,要學習忍讓,理解佢哋嘅情緒。」她與子溢同樣喜歡小朋友,「兩年抱兩」達成心願,問到會否再生B即耍手擰頭:「兩個夠晒數,應該唔會再生,有同老公傾過,除非肯定再生係女先會再生,但邊有得肯定?呢刻唔會再生,真係好攰。」

提到久休復出主演的《家族榮耀》大受歡迎,她坦言要照顧小朋友,預計最快要明年才拍劇:「如果唔係疫情都會返內地商演,要搵奶粉錢,儲多個錢,畀仔女有舒適生活,但疫情要隔離就唔划算。有好劇本都想出去拍劇,順便可以休息吓,抖抖氣,哈哈!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能