業主心雄?淘大花園驚現放盤720萬

中環街市

前輩成日話,如果當年沙士趁低入貨,今日嘅你已經發咗。

呢條發達方程式,最近又引起網民激烈討論。話說最近有業主發現,淘大花園有樓盤原來已放到上720萬﹗有業主話,睇完都立即心郁賣樓。

對比2003年,樓價真係足足升咗56倍,業主自言自己層樓當年200幾萬入,300萬時無走貨,一直持貨至今,但係:

「到依家無乜賣嘅動力,  如果再踩油多1-22里息都夠租樓。幾十年做野嘢都賺唔到咁多真係有啲心動」

至於該個720萬單位,翻查後發現,係淘大花園中層,實呎460,實用呎價達15652,而另一高層單位連天台,則放售820萬。唔知係咪業主心雄,開出此價。

雖然睇返呎價,又唔算同其他盤差得好多,但唔少網民對淘大花園30年樓齡,又唔係上蓋,但價格仍然居高不下非常感慨;有人堅持700萬買淘大並唔化算,寧願入麗港城;有人則分析,淘大花園因為經歷慘痛後,大廈及商場內部都幾歷翻新,同齡屋苑相比,的確相當優質,從而帶動租務,長遠有望破千萬云云。

當年沙士樓,明日破千萬?所以前輩都講得啱,當年買淘大,一定可以脫貧。

來源:香討

===============

財經精選資訊網站「中環街市」  臉書粉絲頁

其他內容