極端酷熱｜林超英繼續開風扇 網民嘲：係咪涼完冷氣先返屋企

酷熱天氣近日影響本港，天文台已經連續兩日發出「極端酷熱」特別天氣提示，指本港氣溫可達 35 度或以上。一直支持減碳的天文台前台長林超英，昨晚（30 日）就在 facebook 表示，工作位置在晚上 10 時多仍高達 32 度，但他仍然開著 USB 風扇，相信是想表達自己至今都沒有開冷氣，但帖文繼續受到網民抨擊。

林超英在帖文上載一張相片，並指「2023.5.30 22:25 工作位置實況：氣溫 32.2度，相對濕度 76%，風速 0.4米/秒，關鍵是背景陪伴多年的 15cm 直徑 USB 風扇。」

即刻投票：咁熱開唔開冷氣？

帖文一出，不少網民都反駁林超英；有網民就指各人的體感都不盡相同，以往都試過有人在家中熱死，「你退咗休唔好玩到中暑就好」。亦有網民提到，以往曾有報道指林超英的住所全屋有窗，附近建築物不多，對流充足，「其實香港有幾多人可以有呢啲住屋條件呢，加上每人身體承受能力唔同，唔跟你就唔環保？」

另一方面，部分網民似乎放棄跟林超英理論，直接揶揄和「抽水」。當中有人疑問，「係咪去完中央圖書館涼完先返嚟」；網絡紅人 Matt Leung 就引用李彩華名曲《你唔愛我啦》歌詞：「Call 你 Call 咗咁耐，四次你亦唔覆，實係做咗啲嘢，怕我知道？」原來 Matt Leung 早前曾經在自己的 facebook 表示，曾經私訊林超英指要「突擊檢查」，看對方有沒有「偷偷開冷氣」，但未獲林超英回應，Matt Leung 的無厘頭行為都搞到網民忍唔住笑。