榴槤大王搵女婿 嫁妝又車又樓加過百萬現金!!

19+

 

大把人呻好女仔難搵,但係又有父母公開徵婚,個世界發生咩事?

 

泰國一位榴槤大王,就喺自己facebook出post搵女婿,

仲準備大大份嫁妝!

 

呢位大家嘅「未來外父」叫阿農,擁有榴槤工場,一聽就知唔嘢少。

佢想幫囡囡Kan搵個愛人,條件硬唔硬?自己睇︰

 

  • 學歷不限,識字就得;
  • 工作勤奮耐心唔偷懶;
  • 唔怕你孤寒,最緊要鍾意打理屋企榴槤生意

  •  

    唔止可以抱得美人歸,(《獎門人》報幕tone)獎金獎品仲非常豐富,包括……

    1層樓、10架靚車同1千萬泰銖(約246萬港幣)!

    阿農仲post相show自己啲鑽戒首飾,呢位外父好霸氣呀吓。

    有傳媒搵Kan求證過,呢次招親,係堅嘅。

     

    咪住!重點係……女主角係咪真係美人先?

    交俾各位準女婿評分。

    Kan大學畢業,做過審計工作,

    打算去廣州中山大學讀中文,希望第時打理家族生意。

     

    嗱,隨時唔駛飛泰國,坐直通車見個面就得,而且仲有成個榴槤王國等緊你。

    有興趣嘅,不妨諗諗佢。

     

    原文傳送門

    你可能還想看