慕絲蛋糕食譜｜榴槤牛奶雙色慕絲蛋糕

「榴槤牛奶雙色慕絲蛋糕」 上次整榴槤流心慕絲蛋糕，淨左d榴槤，媽咪想我整比姨媽試下，因為我姨媽係榴槤控，超鍾意食榴槤?? 但因為淨左唔係好多榴槤，所以整幾個迷你size，試下用新模，整幾個雙色的慕絲蛋糕，今次係第1次用焦糖餅乾做餅底，加少少金箔做裝飾，嘩.....真係好鬼靚?? 即刻成件事高級左?? 食譜連結： https://m.facebook.com/story.php?story_fbid=pfbid02xJJVjyEZPidB1Pbzm4H2B9oJLs3mGPE29uZUKgkvdQ7jtDwuTUUFEgcb1EwGMqKql&id=100057659010929 Follow my FB page & IG ?? #汶・煮意 #manlicacy

製作時間: 1小時以上
份量人數: 3-4人

牛奶慕絲層
淡忌廉 46 ml
煉奶 13 g
鮮奶 38 ml
魚膠粉 1.8 g

榴槤慕絲層
榴槤茸 132 g
淡忌廉 80 ml
鮮奶 40 ml
煉奶 3 g
魚膠粉 3 g

餅底
焦糖餅乾 81 g
牛油 27 g

食譜份量
高筒小花模@100 ml 6個

作法:
1 ：
牛奶慕絲層： 1. 魚膠粉加入鮮奶中（12 ml；拌勻後，靜置5分鐘，待魚膠粉完全吸水膨脹），用熱水坐溶（如直接用熱水開溶，魚膠粉會容易結塊），攪拌至魚膠粉完全溶解，備用 2. 淡忌廉加入煉奶，用電動打蛋器以「1 檔」拌勻再慢慢加速至「4-5 檔」打至7成企身（即中性發泡，拿起打蛋器尾巴呈現彎曲的狀態；打發時間約1-1.5分鐘；不時留意忌廉的變化，打至有紋路就要加倍留意，如打得太耐會唔夠滑，過度打發亦會使忌廉油水分離，變成牛油狀，若出現此情況，可加2湯匙未打發的忌廉手打至回復正常）
2 ：
1. 先加入1／3的鮮奶，拌勻，再將餘下的鮮奶加入，攪拌至完全均勻 2. 加入已混合鮮奶的魚膠粉，充分拌勻成牛奶慕絲 3. 然後倒入模具中，再輕輕搖晃使慕絲表面平整／用抹刀抹平表面 4. 蓋上保鮮紙，放進雪櫃冷藏至少2小時至凝固
3 ：
榴槤慕絲層： 1. 魚膠粉加入鮮奶中（拌勻後，靜置5分鐘，待魚膠粉完全吸水膨脹），用熱水坐溶（如直接用熱水開溶，魚膠粉會容易結塊），攪拌至魚膠粉完全溶解，備用 2. 淡忌廉加入煉奶，用電動打蛋器以「1 檔」拌勻再慢慢加速至「4-5 檔」打至7成企身（即中性發泡，拿起打蛋器尾巴呈現彎曲的狀態；打發時間約1-1.5分鐘；不時留意忌廉的變化，打至有紋路就要加倍留意，如打得太耐會唔夠滑，過度打發亦會使忌廉油水分離，變成牛油狀，若出現此情況，可加2湯匙未打發的忌廉手打至回復正常），備用
4 ：

1. 將已混合鮮奶的魚膠粉加入榴槤茸，攪拌至完全均勻 2. 先加入1／3已混合鮮奶魚膠粉的榴槤茸，拌勻，再將餘下已混合鮮奶魚膠粉的榴槤茸加入，充分拌勻成榴槤慕絲 3. 然後倒在已凝固的牛奶慕絲上，再輕輕搖晃使慕絲表面平整／用抹刀抹平表面4. 蓋上保鮮紙，放進冰格冷凍至少5小時至硬身
5 ：
餅底： 1. 先將焦糖餅乾打碎成幼沙狀 2. 牛油加熱至溶化成牛油溶液（可用微波爐加熱），加入餅碎，拌勻 3. 然後倒在已冷凍的慕絲上，平均壓實成餅底，再放進冰格冷凍至凝結，脫模，即可
6 ：

7 ：

8 ：

9 ：

10 ：

11 ：

- 食譜來源 : https://cook1cook.com/recipe/53319
- 發掘更多美食 : https://cook1cook.com