雅虎香港新聞 榴槤品種｜9大馬來西亞榴槤品種/價錢/季節！專家教8個揀榴槤貼士
榴槤品種那麼多：貓山王、D24、金包、紅蝦……要學識所有榴槤品種、價錢、真假，通通都是學問！這次Yahoo Food請來榴槤專門店負責人為我們介紹一系列榴槤，即睇內文：
榴槤季節又來了！不少人都喜歡馬來西亞榴槤，但榴槤品種那麼多：貓山王、D24、金包、紅蝦……要學識所有榴槤品種、價錢、真假，通通都是學問！這次就請來榴槤專門店榴槤樂園負責人Agnes為我們介紹一系列榴槤，讓你們榴槤忘返！
【立即讚好】全新 Yahoo Food Facebook 專頁
馬來西亞榴槤百科
買榴槤之前，當然要好好惡補一下各款馬來西亞榴槤知識！
1.D01 江海榴槤
價錢：$80-$100磅
主要產地：柔佛
當造期：6月至7月尾
評價：細核味甜，果肉徇滑，帶點牛奶味
2.D13金包
價錢：$80-$100磅
主要產地：馬來西亞柔佛及檳城
當造期：6月中至7月中
評價：體積較細，甜甘適中，果肉光滑。
3.XO 榴槤
價錢：$60-$100磅
主要產地：彭亨
當造期：8月初至9月中
評價：帶酒香，口感柔軟。
4.蘇丹王D24
價錢：$60-$100磅
主要產地：Pahang
當造期：7月中至8月尾
評價：甜而不膩，顏色較淡，先甘後甜
5.D101紅肉│SHOP NOW
價錢：$80-$100磅
主要產地：馬來西亞柔佛
當造期：6月中至7月中
評價：甜中帶甘，口感幼滑，略帶奶油香
6.D163葫蘆
價錢：$70-$90磅
主要產地：馬來西亞檳城
當造期：6月初至7月尾
評價：葫蘆外形，果肉較實，味道清香。
7.D175 紅蝦
價錢：$90-$110磅
主要產地：檳城
當造期：6月至8月
評價：果肉軟綿嫩滑，先甜後微甘。
8.D197貓山王│SHOP NOW
價錢：$110-130/磅
主要產地：馬來西亞彭亨州
當造期：6月至9月初
評價：最為人熟悉，肉厚核小，味道甘甜
9.D200 黑刺│SHOP NOW
價錢：$130-180/磅
主要產地：檳城
當造期：6月至7月尾
評價：最高級的品種，味道富層次，產量少。
揀榴槤8大貼士
學識分馬來西亞榴槤，又知不知道該如何揀榴槤？這次Auges給大家8個榴槤小知識，這樣定能揀到心水榴槤！
1.揀榴槤最緊要無蟲蛀
「很多人揀榴槤都會看看榴槤椗壯不壯，實唔實淨，聞落香不香。」Auges說，但其實以她所看，揀榴槤最重要看重不重手，有沒有被蟲蛀過，「至於榴槤椗或是榴槤刺，很多時候都會在運送中途被撞爛，因此這並不能作準。」另外而現在不少榴槤都做了液態氮處理，沒有發酵過，自然味道不重。另外揀榴槤也可以留意榴槤底的榴槤痕多不多，「幾多條痕就代表有幾多房，打開榴槤後，最少有4房肉或以上，就叫A Grade。」Auges解釋。
2.馬來西亞法例保持榴槤品質
榴槤都要立法？「為了保持品質，馬來西亞政府規定榴槤完熟才能出售，不能提早收成。」而且榴槤成熟落果後，72小時必需食用，不然超過這個時間，榴槤就有機會變壞。
3.榴槤深夜才會落果
相信不熟悉榴槤的人，都會想對榴槤果農問一條問題，「榴槤跌下來，不會跌死人嗎？」Agues笑說：「如果被榴槤擊中，多數都不會是好人。」原來因為榴槤深夜才會落果，「果農們都會早上才到榴槤園收榴槤，誰會晚間偷入榴槤園？」為防品質較好的榴槤跌落地時爆開，有些果農會替榴槤綁繩跟網，讓榴槤成果時以免跌落地。
4.榴槤一年當造2次 落雨影響收成
「馬來西亞榴槤當造時間有兩次，一次是6月至8月，另一次是11月至1月，其他時間都是吃急凍榴槤。」Agues說，而且有些榴槤對天氣相當敏感，有機會只要落一場大雨，就會大幅影響收成，價錢跟產量亦會有影響。
5.馬來西亞榴槤貴過泰國一倍起 主要因為運費
由於馬來西亞的榴槤必需完熟，才能出貨到世界各地，因此必需選用飛機運輸。但泰國榴槤多數7成左右就收成，再用船運，故此價格能大幅調低，「不過現在泰國也開始出產一些較貴價的榴槤，所以泰國榴槤的價錢也慢慢上升。」Agues說。
而且中國、美國、加拿大等地對貓山王需求大增，亦是令馬來西亞榴槤比起泰國榴槤更貴的原因之一。
6.開榴槤由屁股開起
對於榴槤新手來說，最困難的定必是開榴槤。榴槤滿身都是刺，應該怎樣開才對？「開榴槤可以由榴槤的Patpat開起，順住榴槤紋，成熟的榴槤底部很容易爆開，這時開榴槤便最容易。」自然爆開的榴槤代表已經非常成熟，因此應盡快食用，Agues說。
7.食榴槤未必貓山王最好
假如沒有對榴槤做深入研究，不少人都會先買貓山王，但這並不代表貓山王是最靚，最好味，「榴槤有好多種味，有些清點，有些甘點，如果你喜歡吃甜一點，吃貓山王就有機會覺得太甘。」她說，食客應該按個人喜好選擇不同品種的榴槤，並非越貴越好。
8.冷藏不比鮮果差
不少海鮮為拉長保存期，都會急凍處理，想不到榴槤也不例外。「現在馬來西亞有很多榴槤都會做液態氮處理，其實口感跟味道都不會比鮮果差。」Agues說，相反新鮮榴槤有機會因為在運送過程時，不斷發酵，增加變壞機會，而急凍的榴槤只需在食用前解凍，更加方便。有機會的話，大家都可以一試液態氮榴槤。
榴槤樂園
地址：尖沙咀金巴利道92號地舖（地圖按此）
電話：92838108/ 53339882
營業時間：星期二至日 01:00am-10:00pm
全新訂座平台「Yahoo訂餐廳×Openrice」正式上線！
更多榴槤相關文章
榴槤品種｜9大馬來西亞榴槤品種/價錢/季節！專家教8個揀榴槤貼士
榴槤禁忌｜6大榴槤相剋食物！飲啤酒會暴斃？細數不宜食榴槤的6類人
貓山王｜一文分清貓山王價錢/季節/真假 專門店爆貓山王8個秘密：黑刺更矜貴？
榴槤放題2023｜九龍灣1.5小時任食貓山王！$688/位超過6款馬拉直送貓山王
榴槤未熟？網友超市買榴槤中伏未熟開唔到！兩大榴槤催熟妙法 民間智慧用報紙焗都未算最快 應該要用呢樣
榴槤放題〡Hotel ICON榴槤自助早午餐！嚐盡5款頂級榴槤/任食榴槤美饌/大抽獎送住宿及餐飲券
榴槤放題〡榴槤千金90分鐘任食馬來西亞榴槤！$580/位起任食貓山王/葫蘆/紅蝦
榴槤放題〡貓山農莊90分鐘榴槤放題盛宴$580起！任食黑刺/貓山王/多款時令榴槤
更多其他揀水果貼士
芒果│水果批發商教5招揀靚芒果！台灣愛文芒/日本宮崎芒/柬埔寨芒 邊款最甜最抵？
菠蘿鳳梨有分別！一文看清5大差別/20+台灣鳳梨品種一圖睇清
台灣鳳梨｜大陸禁進口 鳳梨減價供香港! 20+品種金鑽最香甜 同菠蘿有分別
【清洗水果】袁國勇教授：水果皮含抗藥性細菌！梘液+熱水洗生果最安全
塔斯曼尼亞車厘子│入手攻略！新年果欄格價+品種推介+防偽新招
日本士多啤梨農藥及重金屬鎘超標！不可浸洗 原來咁先洗得最乾淨
Top 10 港人最愛中秋水果！一文教齊點揀香印提子/日本桃/蜜瓜
日本水蜜桃當造季節/品種/價錢一覽！果欄揀桃達人：日本桃要多毛墜手
日本香印提子3大選購貼士！一文睇清岡山晴王、長野、山梨價錢/甜度分別
【麻豆文旦】文旦、柚子有乜分別？教你3招揀到冇核甜美多汁靚文旦
【致肥水果】水果果汁糖份高唔健康？營養師教你避開水果減肥陷阱
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
