樂宜備戰一星期 越Cup鬥波波

東方日報
·2 分鐘文章
樂宜戒口兼喪做Gym,以最佳狀態挑戰「E奶」波波。
樂宜戒口兼喪做Gym,以最佳狀態挑戰「E奶」波波。

藝人樂宜為內衣騷擔任模特兒,吸引大批龍友逼爆現場。驚走光的她內褲打孖上,又自爆愛收藏內衣,不時扮兔女郎添情趣,名副其實理想女友!

憑澎湃身材在《#後生仔傾吓偈》出位的「波波」黃凱儀,昨日偕樂宜、「肥妹」李文潔及陳紫芊齊齊行內衣騷,36E波波勝在「胸」狠,而34C樂宜則身形最平均,各有千秋!樂宜受訪時說:「今次準備時間好趕,得一個禮拜極速減肥,平日鍾意食甜品嘅我要全面戒甜、戒澱粉質,仲要每日健身!」

儲性感內衣自娛

「處女下海」的樂宜心情難免緊張,問是否最着緊「打底」,她笑說:「我着咗兩條內褲,用T-back打底,因為驚透。」談到收藏性感內衣,她直言是興趣:「屋企有兩個櫃,見到靚嘅就買,我仲會配飾物,好似喱士兔仔耳咁。(着畀人睇?)有時自己着畀自己睇都好開心。」

而波波則自言健康性感:「平日我喺社交網衣着比較保守。(以後做多啲?有冇底線?)睇公司安排啦!咁都可以商量吓嘅,尊重公司意見,好似今日咁舒服就OK。(安排你行性感路線展示長處?)我仲有好多長處,好似溜冰同風水命理,後者我學緊,希望遲啲有機會幫大家睇。(最唔滿意邊部分?)矮,希望高多10cm。(你幾歲?仲未發育完?)23歲,我充滿正能量,不過可能係自己幻想啫!」

波波
波波
陳紫芊(左)與李文潔身材不分上下,各具美態。
陳紫芊(左)與李文潔身材不分上下,各具美態。