樂易玲回應炎明熹離巢傳聞 「忘本論」原來係同「呢兩位」聲夢小花講?

樂易玲回應炎明熹離巢傳聞 「忘本論」原來係同「呢兩位」聲夢小花講?
樂易玲回應炎明熹離巢傳聞 「忘本論」原來係同「呢兩位」聲夢小花講?

炎明熹(Gigi)、姚焯菲(Chantel)、鍾柔美(Yumi)及詹天文(Windy)於完成TVB歌唱比賽《聲夢傳奇》後被安排組成女團After Class出道,其後再各自推出個人歌曲;四人之中,炎明熹率先跑出,曾參與TVB和芒果TV合辦嘅大型綜藝節目《聲生不息》,於香港與內地人氣急升,又曾舉行首個個人演唱會《Gi-FORCE》。早前,炎明熹傳出唔再續約TVB,所以慘被公司雪藏嘅消息,又有傳公司改捧三小花,飛起炎明熹為佢哋舉行《音樂出沒 Let's playtogether》演唱會,而TVB高層樂易玲於演唱會加場發布會致辭期間,語重心長籲三小花「不要忘本」,被指疑似暗串炎明熹。樂易玲昨日(7日)出席《Angels Within Us 天使綜合症慈善演唱會》,回應炎明熹離巢消息及「忘本論」。

樂易玲出席於戲曲中心舉行嘅慈善演唱會,除咗關心何雁詩及鄭俊弘兒子情況,表示希望更多香港市民可關注需要特殊照顧嘅人士,更被傳媒問到炎明熹離巢傳聞,樂易玲回應指公司同事應該繼續與炎明熹傾緊合約,表示佢仲有一段比較長嘅時間,唔知點解咁多人對號入座話佢唔續約,又指見每一個藝人及教每一堂都會講同一番說話,當時嘅「忘本論」係向鍾柔美及詹天文講,認為佢哋細個,提到同教到嘅都會盡量做。被問到炎明熹被傳雪藏後首次出席公開活動無TVB記者採訪一事,樂易玲則表示該活動係唱片公司幫佢接嘅工作,要問返唱片嗰邊。

樂易玲昨日(7日)出席《Angels Within Us 天使綜合症慈善演唱會》
樂易玲昨日(7日)出席《Angels Within Us 天使綜合症慈善演唱會》
樂易玲昨日(7日)出席《Angels Within Us 天使綜合症慈善演唱會》
樂易玲昨日(7日)出席《Angels Within Us 天使綜合症慈善演唱會》
After Class
After Class
炎明熹
炎明熹
《音樂出沒 Let's playtogether》演唱會
《音樂出沒 Let's playtogether》演唱會
姚焯菲
姚焯菲
鍾柔美
鍾柔美
詹天文
詹天文

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!