機場保安大力一放 拉糖比賽作品毀於一旦

19+

  搭飛機,驚delay?更驚係,行李出事。   台灣一位學習傳統技藝「拉糖」嘅女學生,尋日帶埋用咗十幾日時間製作嘅作品,出發參加韓國舉行嘅比賽。拉糖作品易碎,所以呢位女生都小心翼翼,甚至買多一張機票放置作品。

呢個就係該位女生嘅作品「浴火鳳凰」

女生嘅老師就喺台灣「爆料公社」fb社群出post,表示學生喺台北桃園機場過安檢嗰陣,已經事先講明,件作品要自己拎。但因為前面行李有問題,現場人員將學生的作品拎起,再重重地放喺地上。   結果,呢件作品「浴火鳳凰」當場碎裂。心血被毀,女生只能為此痛哭。而台灣嘅航空保安當局就表示,該名女生首次攜帶作品出國,並不清楚攜帶細節,將作品放置喺近70公分嘅透明膠盒。喺航空公司地勤建議下,先至臨時買多個座位放置作品。當女生攜帶作品前往出境安檢時,因為作品體積過大,航空保安人員帶女生到報到櫃台旁邊嘅大型X光機。但因為前面旅客嘅行李有問題要拎出X光機,而旅客係唔能夠進入安檢區域,所以要由有關人員拎起拉糖作品送檢,但就喺過程中作品受損。事後航空保安當局同女生協調,以台幣2萬蚊和解。當事人當下相當憤怒,但之後亦都出post指,感謝當局「盡最大誠意及禮遇處理,以及也跟相關單位達成和解,讓我可以順利再度踏上旅程。」。   既然作品係「浴火鳳凰」,希望呢位女生能夠修復破損,令作品多一重意義。   來源︰爆料公社

其他內容