《機場特警》張振朗演衝動KOL惹負評如潮 網民:佢根本駕馭唔到個角色

娛樂LOL
《機場特警》劇照
《機場特警》劇照

近年無綫鬧演員荒,唔少小生花旦及資深綠葉演員都相繼離巢,可以擔大旗嘅演員亦越嚟越少。救亡嘅其中一個方法當然係培養新人接棒,而無綫諗盡方法令呢班新晉小生小花可以盡快入屋。正正因為咁就搞到劇集嚟嚟去去都係嗰班演員出演,更令到好多觀眾睇劇集都開始睇到悶及混淆角色。

由楊明﹑蔡思貝﹑張振朗、湯洛雯及鄧佩儀等人主演嘅《機場特警》喺上個星期一開始出街,劇集以香港機場特警組做主題,主要講述佢哋由學堂受訓,去到成為機場特警後嘅生涯。播出幾集已經講Hill(張振朗飾)、辛仔(蔡思貝飾)、Silver(鄧佩儀飾)及阿聰(朱敏瀚飾)等人前往應考,並完成遴選後正式加入成為學員。而張振朗喺頭幾集,已經有唔少激進鏡頭,包括赤裸上身煮早餐、有用手踭打爆的士玻璃、單人匹馬追捕逃脫悍匪、及為捉賊由樓梯飛身插水式咁跳落一層,睇到好多網民嘩然。

睇咗幾集之後,網民們都有喺網上留言評價,當中包括今次劇集選角嘅問題,唔少網民認為張振朗擔唔到大旗。雖然佢嘅演技有進步,但身型體格唔及其他演員、唔夠台型、做主角欠說服力、講對白只得一個tone、劇中囂張加自以為是嘅性格,及化身衝動KOL實在不討好。反而認為佢適合做襯托男一嘅角色,咁樣可以更突顯到佢最擅長嘅搞笑角色。唔少網民對佢喺《機場特警》中嘅演出唔係好滿意,唔知大家又滿唔滿意佢嘅表現呢?

部分網民負評留言:

「見到張生chok樣真係格(隔)夜飯嘔返哂出黎(嚟)」
「佢根本駕馭唔到個角色」
「張生做配角, 男主角朋友/細佬o個D還可以, 特警男一就...」
「朗朗講對白,永遠只有一個tune,返去重讀藝訓班」
「佢都係太瘦弱,唔適合做展昭/消防/特警.... 這些角色」
「張振朗,一向都唔中意佢,演技好唔自然,太生硬」
「簡單d講,就係以佢嘅外型根本担(擔)唔起呢個男一角色,就算佢演得幾好都無用,佢做男一身邊嘅學員跟出跟入、搞吓笑咁會勝任得多」
「角色仲要扮勁睇唔起人,佢根本身型不配合,勁唔起,仲睇唔起人,角色離地有少少白痴。」
「同意,演技唔講,單係外型已經唔合格。機場特警一定要夠台型,唔係淨係練到啲肌肉朱古力咁就得,佢個樣一啲氣質都冇,揹唔起飛。演技嚟講, 暫時只覺佢踩過界男二做得幾好,其餘免問。」
「張振朗真心唔掂,不過我睇貝貝同靚湯!」

部分網民正評留言:

「張振朗ok嘅,年齡適合」
「唔係, 個角色演得幾好, 幾好戲。 夠串, 自大但又有正義感, 孝順有義氣。」
「唔覺張振朗有咩問題,眼大大幾好,而且演技又唔係差。」
「配合角色要求!!演個反叛的後生仔幾挺職又生鬼!!」
「講真,我覺張振朗ok喎。」

《機場特警》劇照
《機場特警》劇照
《機場特警》劇照
《機場特警》劇照
《機場特警》劇照
《機場特警》劇照

你可能還想看