歐倩怡承認同「翻版歐陽震華」了解中 回應新歡被傳身家過億「得啖笑」

歐倩怡（Cindy）郭晉安去年5月宣布離婚，結束18年婚姻關係，更承認當時已分居2年。歐倩怡回復單身後，近日有周刊報導指Cindy與熟男疑似約會更主動甜蜜蹺手，似已覓得第二春。對於被爆新戀情，有傳媒向Cindy求證，她僅說「無回應，保持低調」，但未有否認戀聞。

歐倩怡喺新戀情疑似曝光後首次見記者，承認同被拍到約會嘅「翻版歐陽震華」了解中，更大讚對方「幾好」，又指「相處時開心」，但對於有冇發展機會就再次表示「唔回應，保持低調」。歐倩怡嘅對象牛山濯濯，甚至因此被稱為「禿頭男」，Cindy直言對方為此介意，曾經「呻咗一句」，又呻身邊冇人敢同佢出街，驚被評頭品足。對於內地網民指呢位「翻版歐陽震華」身家過億，歐倩怡簡單回應話「假嘅，得啖笑」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！