歐洲旅遊業重啟 黑山自稱「首個零確診」國家作招徠

Yahoo 旅遊

歐洲疫情放緩多個星期,大部分曾經嘅重災區都已經開始唔同解封措施,其中歐洲國家黑山,更打正旗號以「歐洲首國零確診」國家作為招徠,希望旅客重新考慮到黑山旅遊。黑山自5月5日起,本地就已經無新個案出現,的確係屬於最早期控制到疫情嘅歐洲國家,而累計確診亦只有300幾宗及9人死亡。疫情至今,黑山旅遊人數自然大減,比去年260萬人次大減7成,國內一眾旅行社及導遊都叫苦連天。政府就話,希望旅客可以選擇黑山作為大家重新旅行嘅第一選擇,因為黑山係「全歐洲最安全」咁話。不過黑山都有唔少措施預防有外來遊客帶嚟病毒,包括制定旅客對象為10萬人以下只有25宗確診嘅低風險國家,即係英美等國家嘅旅客暫時都唔去得住,其次國家一眾公眾場所都有措施防範,例如餐廳會以二維碼作為餐飲點餐,減少不必要接觸,大家又有無興趣去黑山呢?

黑山擁有極豐富大自然資源,為旅遊熱門國家。
黑山擁有極豐富大自然資源,為旅遊熱門國家。
夏天有無盡美麗嘅海灘,為旅遊旺季。
夏天有無盡美麗嘅海灘,為旅遊旺季。
至今疫情下黑山減少7成旅客,生意大受打擊。
至今疫情下黑山減少7成旅客,生意大受打擊。

相關文章:

負責任旅人環保攻略-學懂日韓台垃圾分類

希臘雅典新酒店被迫要拆兩層-因為阻擋視線

信義接棒24小時書店-開幕送誠品行旅住宿

你可能還想看