母女檔旺角開過橋米線專門店 熱湯砂鍋+十一款米線配料即席呈上

·3 分鐘文章

喺香港講到食米線,唔少人都會諗起某一兩間連鎖店,但其實仲有好多其他選擇㗎!旺角最近就新開一間過橋米線專門店,由負責人Wendy及佢媽媽母女檔開設。並唔係我哋平時見到將多款配料放晒入一個大碗中嘅過橋米線,而係跟足雲南當地食法,所有配料都即席呈上,為保持溫度,湯底會用砂鍋盛載,食嘅時候先將配料及米線放入,咁就包保由頭食到尾都熱辣辣!

旺角新開一間過橋米線專門店。
旺角新開一間過橋米線專門店。
為保持溫度,湯底會用砂鍋盛載,食嘅時候先將配料及米線放入。
為保持溫度,湯底會用砂鍋盛載,食嘅時候先將配料及米線放入。

Wendy提及,其實雲南當地嘅過橋米線口味都好多變, 而餐廳就偏向雲南家庭口味,亦有加入少許香港特色。如配料方面,加入香港人最鍾意嘅魚腐及響鈴等,亦有供應傳統嘅雲南酸菜、酥肉及炸醬。

餐廳偏向雲南家庭口味,亦有加入少許香港特色。
餐廳偏向雲南家庭口味,亦有加入少許香港特色。

香格里拉豪華配料套餐($128)

過橋米線套餐就有三款,每款都有十一個餸。價錢方面豐儉由人,最平由$88至$128,湯底方面就可以自由選擇。呢個香格里拉豪華配料有牛肉或豬腩片、鵪鶉蛋、炸醬、酥肉、響鈴、竹笙、蟲草花、蝦、鮑魚、帶子及芫荽蔥。食法呢就依次先將肉類及鵪鶉蛋放入,然後加入其他配料,最後先放米線或七彩麵,兩者都有咬口唔會過腍。

套餐有三款,每款都有十一個餸。
香格里拉豪華配料套餐($128)
可選牛肉或豬腩片。
可選牛肉或豬腩片。
依次先將肉類及鵪鶉蛋放入,然後加入其他配料,最後放米線或七彩麵。
依次先將肉類及鵪鶉蛋放入,然後加入其他配料,最後放米線或七彩麵。

所有湯底都以雞湯為基底,根據雞隻大細約用6-10隻雞熬製6小時。老壇酸菜湯選用自家醃製酸菜,香氣聞落味道就較重,但食落又唔會太鹹,酸味又幾突出。

所有湯底都以雞湯為基底!
所有湯底都以雞湯為基底!

而雲南特色湯就係雞湯底 +自己調製嘅酸辣醬汁,味道酸酸辣辣夠晒惹味。番茄湯就偏向香港人口味,用番茄蓉+新鮮番茄製成,茄味好濃郁。

雲南特色湯就係雞湯底 +自己調製嘅酸辣醬汁。
雲南特色湯就係雞湯底 +自己調製嘅酸辣醬汁。
番茄湯用番茄蓉+新鮮番茄製成,茄味好濃郁。
番茄湯用番茄蓉+新鮮番茄製成,茄味好濃郁。

昆明風味配料($88)

至於想經濟實惠啲,就可以食呢個$88嘅套餐,配料有牛肉或豬腩片、鵪鶉蛋、炸醬、酥肉、響鈴、魚腐、粟米、酸菜、餐肉、番茄仔及芫荽蔥,一樣係十一個餸,好抵食!

昆明風味配料($88)
昆明風味配料($88)

酸菜拌飯($68)

酸菜米線就聽得多,酸菜拌飯就真係少啲聽啦。酸菜拌飯係家鄉菜,加入秘製醬汁、芫荽、芹菜、花生、花椒油、辣椒油及芽菜拌食,味道又酸又麻,熱食凍食都無問題。

酸菜拌飯($68)
酸菜拌飯($68)

麻辣鬼魅雞($78)

同樣都係家庭菜式 ,將雞扒切粒後加辣椒粉及花椒粉炒成,香濃惹味少少辣,而且啖啖肉,送飯最啱!

麻辣鬼魅雞($78)
麻辣鬼魅雞($78)
雲魅
雲魅

雲魅
地址: 旺角彌敦道724-726號18樓

文: Yanica
相、片: Tom Li

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能