每日一片:無賴男打尖唔認錯 車長神回獲激讚

on.cc 東網

【on.cc東網專訊】搭巴士守秩序登車是常識,可惜總有人會挑戰一些規矩。昨日(10日)傍晚就有一名男乘客登車時打尖,被巴士車長出言指摘。豈料男子毫無悔意,反嘲車長「成世揸巴士」。車長一句「神回」,惹來一眾網民激讚。


現場是紅磡海底隧道收費廣場巴士站,一輛往香港方向的巴士在隧道口上客,一名身穿紫色外衣的中年男子率先登車,惟車長發現對方打尖,提醒對方排隊:「你見唔到後面有條(人)龍㗎?」


已走進車廂的男乘客聞言,回頭走到車長旁,態度囂張地說:「咁依家見到,咁點丫?」車長要求對方落車,讓其他人先登車,惟男乘客竟堅稱:「睇唔到(人龍),我係睇唔到,唔係打尖。」車長立即踢爆,表明目擊他由欄杆「擒出」,不可能看不到。


男乘客其後表現得更加晦氣,「我畀人上晒揀晒位最後至上!」最後更謂:「你滿意未,巴士佬,成世揸巴士啦你!」車長聞言,極快回應:「咁你成世搭巴士啦...我成世揸冇問題,有人工出,你咪成世搭巴士囉!」


車長的「神級回應」惹來一眾網民激讚,指「車長講得非常好」、「司機維持秩序好正常,支持」,有網民更質疑該乘客「明明自己錯都要死撐落去」、「扮傻打尖仲好意思大聲夾惡,做人點解可以咁無賴?」

【更多即時新聞詳情請上東網新聞

其他內容