每日一片:阿伯上錯巴士反發惡?乘客:你有冇用過個腦

on.cc 東網

【on.cc東網專訊】上錯巴士仲大條道理?今日(14日)有網民在網上發放短片,一名阿伯疑上錯巴士,於途中要求司機停車被拒。司機其後停車報警,車上乘客遂因此行程受阻。網民怒批阿伯:「真係阻住地球轉!」


Facebook專頁「吐露講」發布了該短片,只見阿伯與乘客互相爭執,偶有粗口,場面頗為火爆。片中一名藍衣乘客怒指:「司機行緊車係唔可以騷擾佢㗎」,又斥阿伯不顧後果,「你有冇用個腦諗過啊!」阿伯似乎亦自知有點理虧,惟仍反駁:「梗係有用腦」,又言:「咁我講咗,咁已經褪咗落嚟,仲想點嘛?」


阿伯行為惹網民不滿,被斥:「佢都痴線,上錯車怨得邊個」、「行緊車話停就停咩,後面煞唔切,害死其他乘客」、「鬧得好,終於有人幫司機了。」亦有人諷刺阿伯:「畀佢落囉,睇吓佢喺條高速公路度點番去。」惟亦有人指:「其實個阿伯應該知自己錯咗」,希望網民手下留情。


警方發言人證實,今日中午12時左右接報,事發於城門隧道向葵涌方向收費亭前。據了解,有人疑因上錯車,要求司機停車被拒,警員到場後涉事二人表示「自己會settle」;巴士司機表示不舒服,送威爾斯親王醫院治理。案件暫列作糾紛處理。



【更多即時新聞詳情請上東網新聞

你可能還想看