毒舌大狀｜黃子華教廖子妤食煙 王丹妮盼搣甩梅艷芳影子

黃子華、王丹妮、廖子妤主演的《毒舌大狀》今日舉行開鏡儀式。子華表示在片中扮演大狀和法官，在戲中十分憎恨子妤。提到導演因為見到子華很久沒有鬧人，於是指定找他演出，他說︰「其實我好少鬧人，喺《男親女愛》入面都係俾人鬧，呢套戲同時做法官同律師，鬧人機會真係唔少，如果Miss Mo出現，我係有資格鬧佢！」導演吳煒倫希望子華可以爆肚演出，子華則稱劇本已經寫得很好，劇情高潮迭起，要鬥智鬥力，充滿挑戰性。

廖子妤因子華變煙剷

廖子妤與子華再合作，她表示心情仍然很興奮，更被對方教會食煙。子華指對方的角需要食煙，但得知對方並非煙民，就算扮極也是「唔識食」，於是決定親自授徒︰「佢真係唔識食，一睇佢就知係扮食，於是我就好無私咁教佢。」子妤聞言說︰「我以為自己扮得好似，之後佢叫我過嚟，自此就打開新世界，我依家係煙剷嚟啦！」子華則謂︰「咁你又要小心！我第一次食煙都係為咗做戲而學，你要識得控制囉！」

王丹妮在劇中與廖子妤是敵對關係，又愛又恨，編劇吳煒倫曾透露她們是一對「一個會催毀對方一家，一個催毀對方一生」的朋友。王丹妮希望今次可以令觀眾看到她的另一面，並稱能與子華、子妤及《梅艷芳》團隊合作大感開心。

原文刊登於 AM730 https://www.am730.com.hk/娛樂/毒舌大狀-黃子華教廖子妤食煙-王丹妮盼搣甩梅艷芳影子/320650