比利時快餐店要求拎米芝蓮一星 官方回應:拭目以待

講起米芝蓮美食,大家都應該唔會諗起快餐店,不過近日比利時Burger King就自信十足咁要求米芝蓮畀一星呢!

話說每年11月都會出版比利時及盧森堡版米芝蓮天書,比利時Burger King就於面書中上載一張安格斯牛堡嘅相片,並寫上「我們想……不,我們要……也不對,我們的安格斯牛堡(Master Angus)值得一顆米芝蓮星星,同意的朋友請簽署幫我們爭取!」估唔到幾日時間就得到500多人簽名,Burger King又再聲言話「我們也明白漢堡包跟米芝蓮很不搭,不過有哪一間米芝蓮可以於5分鐘內把食物送上?難道我們就不值得一顆小星星嗎?」

其誠意可算真係感動到米芝蓮官方,得到官方回應話「誰說米芝蓮餐廳一定要配上銀器餐具?」雖然無話會畀星星,不過就大賣關子話留意11月出版嘅天書就知結果。如果真係成功,就會變成全球第一間拎米芝蓮嘅連鎖快餐店!

比利時Burger King於面書中出Post要求拎一星! (圖:Burger King@Facebook)
比利時Burger King於面書中出Post要求拎一星! (圖:Burger King@Facebook)
究竟比利時Burger King會否成為首間摘星連鎖快餐店? (圖:Burger King@Facebook)
究竟比利時Burger King會否成為首間摘星連鎖快餐店? (圖:Burger King@Facebook)
事件十分哄動,連日得到多國媒體報道。 (圖:Burger King@Facebook)
事件十分哄動,連日得到多國媒體報道。 (圖:Burger King@Facebook)

相關文章:

鋼鐵人背包登場-英國山難救援隊正式使用

高達來了一比一高達-12-月登陸橫濱高達樂園

秋天限定鹿頸至谷埔悠閒路線-金黃蘆葦田白色小燈柱-紅樹林