水中夾Band 鄧建明爆太極想浮台開騷

鄧建明、雷有暉

【星島日報報道】擔任音樂大使的鄧建明(Joey Tang)與雷有暉出席「銀礦灣沙灘音樂節2016」,Joey稱2006年首年舉辦該音樂節經已擔任音樂大使,更大讚梅窩既可欣賞景色又能聽Band sound,又指參與今次音樂節的樂隊要有實力才可參加。問他太極樂隊可會考慮舉辦沙灘演唱會?Joey笑指蛇哥(盛旦華)於廿年前已構思不如在浮台開騷:「啲人點睇呢?諗野好科幻,所以最終無得玩。」提到鄭中基於賀歲檔期於紅館開個唱,Joey表示暫時未能透露,因為是秘密武器,但笑謂自己身為樂隊隊長要準備好多利是派發。 提到早前LMF演唱會有人掟樽,Joey說:「我哋唔怕,呢個音樂節好和平,又唔係話人哋嗰啲唔和平,同埋喺海攤玩咗成日無力掟,如果大家想睇騷之前要畀佢哋玩啲野先。」雷有暉則指參與人士也會玩得好節制,又謂在海攤玩令到酒精散發得快。

睇更多