水魚貪心無知怕事

【星島日報報道】正常人，個個話痛恨做水魚畀人撳，但係，講還講，講完，仍有不少因為兩項先天劣根性變為水魚——貪心及無知。人類社會，涉及金錢的領域，必定有騙子。騙子為何可以出現、可以生存？正因為水魚供應，源源不絕任撳！ 騙徒手法，根本不需創新，幾十年如一日，哈，竟仍可以搵到食，證明，人，在貪心及無知面前，永遠不會進步變精。所以，成年人被騙， 心 肺報警變大喊十之餘，可有反省一下，自己亦要負大部分責任呢？你中招，有幾多成是自己 ，因又貪又無知變水魚呢？ 行騙慣技，歷久常新的，包括倫敦金、層壓式推銷、超筍金融產品、各式特價套票、平到驚人旅行團、「時光共享」旅遊會籍，以及，最新被內地政府雷厲執行取締兼摩通總裁戴蒙大腳踢爆的「買空賣空」騙局——比特幣，多不勝數呀！ 消費者委員會，其實完全知道各路騙徒手法，但礙於不少早早由法律師爺度出自我保護方式（例如倫敦金騙徒永遠先 客戶簽授權書），所以，去到法庭，未必告得入。但類似被點名的Great Time Universal，所謂「時光共享」旅遊會籍計畫，其實已不停翻炒幾十年，媒介報道過N咁多次，曾經中招的苦主公開呻笨上當亦不知幾許。但是，不少新水魚，一聽見電話到，話有免費旅遊優惠券送，即恍似撞邪，唔識再自問：「喂，有冇咁大隻蛤 隨街跳呀？」又或：「乜呢個世界突然間會出現免費午餐？有冇常理呢？」 事實，不少「自願」買美容、健身及旅遊共享會籍者，多數曾被人困住作出疲勞式轟炸，但唔知點解，個個不懂大喝一聲：「老友，如今你有非法禁錮之嫌，我一報警，你監都有得坐呀！」 騙徒個個取易不取難，欺善怕惡，不過，如果你貪心無知又怕事，咁就抵你做水魚 ！ 阿碌開咪 曾智華 專欄