江嘉敏爆喊否認係拜金女 被傳介入王浩信婚姻情緒崩潰

江嘉敏爆喊否認係拜金女 被傳介入王浩信婚姻情緒崩潰
江嘉敏爆喊否認係拜金女 被傳介入王浩信婚姻情緒崩潰

「無綫小花」江嘉敏近日接受電台訪問,剖白入行多年來我經歷,談及18年因拍攝劇集《兄弟》,被指是介入王浩信婚姻的第三者,她不諱言此乃入行以來最崩潰及難受的一次:「當時我衝去搵監製話唔拍啦!可否換角?壓力太大!冇諗過一張劇照發展出咁多古仔,咩都冇做過,點解可以咁寫?好不公平!當時係第一次面對呢啲新聞,唔識點處理自己情緒,係想離開呢個圈子。」更指當刻想過自殺念頭,慶幸獲劇集《跨世代》監製陳維冠與張繼聰及時開解:「佢哋話我好激動,話我依家就喺公司天台點樣,因為當時諗唔通,阿Joe(陳維冠)及阿聰好緊張,幾乎每日都輪流同我通電話,開解我情緒。」

嘆做演員好唔公平

談到感情世界,她透露拍過3次拖,全部均是圈外人,重申絕不會選擇圈中人作為交往對象,她說:「以前細個會情迷古天樂、彭于晏、謝霆鋒,但入行後同好多有型男藝人合作,你會發覺幕前人背後總有啲小習慣,會破壞你心目中嘅形象,所以同佢哋拍劇或做朋友OK,但拍拖一定揀圈外人。」剛與舊愛結束4年情的她,雖然未有透露分手原因,但對於選擇圈外做生意的另一半卻被形容是「拜金女」,嘉敏即激動兼語帶飲泣:「大家對我誤會太深,大家以為我喺劇集演過嘅角色,就係我本人,其實做演員呢行好唔公平,我哋咁努力做出好作品,外間就因為啲假新聞,斷定我係拜金或者鍾意搞是非,扼殺咗我哋努力。」

江嘉敏否認係拜金女。
江嘉敏否認係拜金女。
江嘉敏當年被傳介入王浩信婚姻,令佢好崩潰。
江嘉敏當年被傳介入王浩信婚姻,令佢好崩潰。