江嘉敏狠剪長髮眼濕濕

·1 分鐘文章

藝人江嘉敏為新劇《四十二章經》一改Girly形象,狠剪長髮變「男仔頭」,她表示3年前已想剪,但因當時有劇在身未能成事:「唔捨得一定有,因為生存喺呢個地球廿幾年,最短都係冬菇頭,不過唔開心又真係冇,只係有一刻突然眼濕濕。」向來有「肉地」的她,起初擔心面形不襯短髮,幸好Carry到:「真係幾靚仔!好多同事都有讚。」

對於今次新嘗試,她表示要多謝監製陳維冠及高海寧(高Ling):「如果唔係監製叫我剪,相信我呢世人都唔會有呢個體驗。而高Ling咁啱喺《七公主》都要剪到勁短,佢用咗好多時間同我分析角色,仲教我平時可以點襯衫。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能