江嘉敏玩飛索 爆喊似驅魔人

東方日報
·1 分鐘文章

方紹聰(奶仔)早前因疫情關係,4個多月冇工開,自資與友人拍攝網上節目《約女.Yama嗲》,起初純粹希望多些人認識自己,但節目出街後意外獲得不少讚賞,更獲TVB監製張志明賞識斟拍節目《野外步出》。

該節目共16集,安排下月中於J2台播出,奶仔今次碌盡人情卡,早前更與首集嘉賓江嘉敏現身電台接受訪問。他大爆因對方的「真情流露」而決定安排她拍的一輯作為頭炮:「我哋去玩懸崖飛索,佢諗咗好耐,游說咗佢差唔多成個鐘先敢玩,事後仲喊到好厲害,呢個樣絕對唔會係劇集或者幕前見過,喊到好似驅魔人上身咁!」