江嘉敏2千蚊跌落坑渠

·1 分鐘文章

江嘉敏前晚於社交網自爆跌錢,形容整個過程富戲劇性。遲收工的她跑去上戲劇堂,怎料跌手袋,裏面的化妝品、成疊銀紙跌落坑渠,慶幸身份證、信用卡跌在行人路,算不幸中之大幸。

她受訪時表示「疊錢」總值約2,000元:「我拎細袋冇用銀包,啲錢就咁對摺放,啱啱好跌落坑渠。以前我係緊張大師,一定會癲晒大叫,可能年紀大咗冇咁好氣!今次只係嘆氣,然後好冷靜執番晒啲嘢,因為我知一急啲嘢碌得仲多落坑渠,如果身份證、信用卡跌埋落去,我會即場喊出嚟。」她坦言上堂時因「破財」而心不在焉,落堂後再去坑渠望兩眼,笑言會上網研究於坑渠執錢的方法。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能