江欣燕仔大女大 過足阿媽癮

東方日報
·2 分鐘文章
沒有感情生活,欣欣樂得自在,最緊要好玩。
沒有感情生活,欣欣樂得自在,最緊要好玩。

江欣燕榮升「媽媽」?其實是拍劇飾演別人媽咪,她演過陳家樂、黃智雯的媽媽,最近她又做丁子朗媽咪,她說不覺得做阿媽是「Downgrade」角色,可能現實中她沒有小孩,故在劇中「仔大女大」,十分過癮。

江欣燕(欣欣)透露正投入拍攝新劇《青春不要臉》,與一班年輕演員合作,原來她最大心願是演青春劇,終於得償所望,她說:「拍青春劇係我一直心願,估唔到,我做青春劇男主角嘅媽媽,做番80年代,我嘅年代,我Handle到,我唔係第一次做媽媽角色,幾好玩!我角色係好後生就生BB,今時今日,好多職業女性同個女裝扮好接近。」

照顧愛貓終老

在《把關者們》中與陳家樂演母子,《十八年後的終極告白》與黃智雯做母女,欣欣笑言闖出一條「媽媽路」,她說:「以前嘅演員會覺得做媽媽Downgrade咗,其實唔係,我唔係廿幾三十歲,好想繼續演出,同新人有交流,我又唔等錢使嘅,幾好玩呀!個心唔覺係就得。」

現時單身的欣欣,將所有愛投到家人和愛貓中,對寵物如子女般看待,不過最後一隻愛貓「八白」,不幸患上重病導致癱瘓、眼睛生瘤,終在二月離世,她說在這段日子,每日衣不解帶照顧牠,將所有愛獻上。她亦明白媽咪終有百年歸老的一天,故不擔心最後剩下她一個,充滿正能量的說:「不嬲世界得我一個人,世界就係咁好玩。」

唔急再組家庭

至於自己感情世界又如何?她說:「冇放咁重。(放棄感情?)我唔急搵丈夫,我試過有家庭,依家想做番自己,好慶幸單身有機會畀我同媽咪多啲時間相處。我唔係宅女,只不過唔使好嚴重咁拍拖,會同朋友食吓飯嘅!」