江若琳曾經緋聞不斷 阮民安周柏豪吳卓羲榜上有名

江若琳同前經理人林小明嘅官司近日喺高等法院審理，庭上提到江若琳曾經被誤傳係介入林小明同前妻婚姻嘅第三者，旁聽嘅江若琳一度飲泣更離開法庭。

歷年來江若琳被傳過多宗戀聞，好在之後遇著老公蕭唯展（前稱蕭潤邦，Oscar）悉心愛錫，咩都賺返晒！

蕭唯展

江若琳同一班都係2007年出道嘅歌手如小肥、陳柏宇、蕭唯展同鍾舒漫等交情唔錯，會一大班人聚會。2017年江若琳喺上海拍戲，約咗都喺當地嘅Oscar食飯，未試過同對方單獨嘅佢地，就咁撻著。後來Oscar公開出post宣佈戀情，江若琳亦都跟機回應，拍拖1年多啲之後仲拉埋天窗。Oscar對老婆疼愛有加，試過打本開麵店俾江若琳。而合約官司開審前，江若琳就出長文感激老公。

曹雲金

為咗打官司，江若琳有幾年全力北上掘金，2016年被拍到同內地相聲演員曹雲金當街錫錫，有相為證當然順手承認戀情。不過未夠半年就宣布分手。後來江若琳接受杜汶澤訪問時自爆同曹雲金有文化差異，價值觀好唔夾，杜就直言唔鍾意曹，仲話曹日日喺屋企打牌。

阮民安

「樂壇小強」阮民安同江若琳曾經同屬林小明旗下，又試過一齊拍戲，因此傳過緋聞。阮民安曾經暗示追過一位女藝人半年先得手，又話拍咗拖2年之後因為自己形象差而忍痛分手。江若琳後來親自回應否認有同Tommy拍過拖。

周柏豪

與江若琳同屬07年新人嘅柏豪，被指因為拍戲演情侶而戲假情真，江若琳又喺親自撰寫嘅著作提到有追求者，難免同柏豪扯上關係。但係傳完一排就冇聲氣。

吳卓羲

林小明上庭時提過江若琳拍劇係「見到真銀」，2008年江首次參演劇集《學警狙擊》，劇中同吳卓羲係情侶，有傳鏡頭後佢地都曾經係情侶，並且例牌否認。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！