雅虎香港新聞 環球趣聞｜污水再用生產啤酒 新加坡最新品牌你敢飲嗎？
環保係全球大趨勢，資料再用係非常理想嘅做法，日常生活中大家都應該習慣回收重用，都唔介意用回收重製品，例如再造膠、再造木、再造紙等，不過污水重用製成嘅飲品，你敢飲嗎？新加坡近日就有一個新嘅啤酒品牌newBrew，由政府負責監管供水系統嘅事務局及當地啤酒廠Brewerkz聯手創造，早於2018年曾經以期間限定模式推出，今年適逢新加坡國際水資料周活動捲土重來，2018年時未有公開發售，但今次係正式推出市場販賣呢。
以污水重用做賣點，外觀用上鮮艷嘅顏色包裝，三款唔同顏色分別代別新加坡濱海堤壩、麥里芝蓄水池公園、新加坡河，都係重用水嘅重點地方。至於味道，好多人話口感同一般啤酒無太大分別，略帶有熱帶水果及蜂蜜味。污水如何重用？新加坡主要透過3大過程，過濾細菌、微觀粒子，再經過逆滲透處理排除水分子以外嘅雜質，最後以紫外線消毒殺絕殘留有害物。自2003年新加坡開始使再用水，不過主要用於乾旱時補充水庫，目前全國共有5間重用水廠運作中。
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
環球趣聞｜沙特阿拉伯花逾4萬億興建「一幢大樓」 等同23個香港 可容納900萬人！
更多綠色新聞🌍資訊，即睇「Yahoo可持續發展」專頁！
