汪小菲爆粗醉住直播 同女網紅互嗌兄妹被質疑關係

·1 分鐘文章
汪小菲爆粗醉住直播 同女網紅互嗌兄妹被質疑關係
汪小菲爆粗醉住直播 同女網紅互嗌兄妹被質疑關係

台灣女星徐熙媛(大S)老公汪小菲,早前就經歷過夫妻分隔異地嘅相思苦,去到農曆新年,男方不惜接受檢疫隔離返台過年先可以團聚。點知尋日汪小菲被網友發現,疑似飲醉開直播,除爆粗外,佢仲忽然同一位美女主播連線並互稱「哥哥、妹妹」,失控行為即被網友熱議。

汪小菲日前開直播同其他主播連線進行PK,過程中佢曾激動爆粗:「操你X的,傻X,腦子有病吧!」而佢朋友就大爆美女主播嘅真名,又爆料曾一行人去四川成都飲酒,汪小菲同女方更以「兄妹」相稱,搞到網友紛紛猜測2人真實關係。

汪小菲同索女玩直播,不過事後佢話唔識對方喎。
汪小菲同索女玩直播,不過事後佢話唔識對方喎。

事後,汪小菲就喺其他直播中表示唔識該女主播,希望網友唔好去騷擾對方,但網友就直指汪小菲行為不妥,譴責佢公開爆粗。點知一直發酵至今日,汪小菲更發文道歉:「對昨晚的事情實在抱歉,可能隔離太久了出來喝了點就有點兒放飛自我了。」同時佢再度澄清唔識嗰位女主播:「我就是隨意開了一下直播碰到了那位女士,從來都沒見過也不認識。結果我朋友莫名其妙認識她,聊了一會兒。」

仲搞到要出Post道歉…
仲搞到要出Post道歉…