汪峰《好聲音》搞慶功唔請李克勤 因為怕咗佢?

·1 分鐘文章
汪峰《好聲音》搞慶功唔請李克勤 因為怕咗佢?
汪峰《好聲音》搞慶功唔請李克勤 因為怕咗佢?

李克勤首次加盟內地歌唱節目《中國好聲音2021》做導師,就點石成金成功培育出冠軍學員伍珂玥,佢一鳴驚人嘅造王潛能,令人有意外驚喜,連擁有豐富導師經驗嘅汪峰都成為新手克勤嘅手下敗將。汪峰日前出席活動時,就講明唔會叫克勤同伍珂玥嚟食慶功宴,不過就唔係玩小器,而係怕咗克勤咁話喎。

克勤第一次做《好聲音》導師,就有學員拎冠軍。
克勤第一次做《好聲音》導師,就有學員拎冠軍。
克勤出高徒,伍珂玥實至名歸。
克勤出高徒,伍珂玥實至名歸。
汪峰搞慶功唔請克勤係有原因嘅!
汪峰搞慶功唔請克勤係有原因嘅!

汪峰話《好聲音》圓滿落幕後,自己都有請一班導師同學員食飯當慶功,畢竟相處咗成3個月,大家經常講笑,都累積咗深厚感情,不過唯獨冇叫冠軍級嘅克勤同伍珂玥嚟食飯,佢解釋相當搞笑話:「請李克勤、伍珂玥這對冠軍組合,誰還注意我們嗎?」原來佢係怕咗克勤同伍珂玥嚟搶風頭,汪峰真係坦白得可愛。

汪峰又話個節目成功係有原因:「不怕選手太素人,只要你有本事,觀眾就會喜歡,節目才會這麼火。」所以喺佢眼中正如「初出茅廬」嘅李克勤,最後都可以成為冠軍導師,同時佢都覺得伍珂玥贏得有道理,佢話:「伍珂玥是一如既往地好和穩,是一個人歌合一的優秀選手!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能