沈殷怡最愛米線 食極唔厭 麥明詩破Dry 隨時年底閃婚

上月約滿無綫的2015年港姐冠軍麥明詩，昨日是她脫「無」後首度出席公開活動。她透露有收看今屆港姐選舉，大讚冠軍林鈺洧性格率直，樂見港姐有轉變。她自認不是保守之人，並爆有穩定男友，不排除年底閃婚。

昨日麥明詩（Louisa）和ViuTV女神沈殷怡到金鐘出席「譚仔雲南米線」的「脆肉鯇木瓜魚湯米線」試食會，Louisa上月與無綫完約，結束7年賓主關係，昨日以自由身首次出席活動。她表示時間過得很快，問到無綫有否挽留她？她表示：「有傾過，不過自己重心唔喺幕前，有新方向，未必幫到公司。（律師工作困身？）一路都忙，個腦處理唔到咁多嘢，依家放假幾時鍾意見朋友都得，開心咗好多。」

問到是否不再回「娘家」？她坦言暫時以律師工作為主，沒有跟其他電視台傾合作。提到今年港姐50周年，大部分歷屆港姐都有出席，Louisa表示曾獲無綫邀請，但因太忙而未能出席，不過她有看電視直播捧場。對於冠軍林鈺洧被封「性女港姐」，Louisa撐對方說話直接又誠實：「我自己都唔保守，言論方面代表新一代女性，呢啲係正常生活，覺得佢幾好。港姐由以前到依家2022年應該要有轉變，女性更要勇於做自己，我樂見此事。」又稱剛離開無綫，希望好好享受時間及多陪家人，笑指媽媽最緊張她的感情生活，並自爆有穩定男友，離開娛樂圈後拍拖不再擔驚受怕，異性緣亦變好：「以前驚拍拖被人影到會有壓力，依家冇咁易影到，冇乜出事。（見咗家長未？）冇咁快，費事媽咪多嘢煩，催我趁有心有力早啲生仔，呢個喺父母角度我都認同嘅。（年尾閃婚？）好難講，都差唔多。」

以形補形 身材更好

同場的沈殷怡表示大學時修讀法律，但放棄做律師而入行，問到有否感可惜？她說：「我好欣賞Louisa嘅選擇，每個人想試唔同嘅嘢。」提到她與MIRROR成員Stanley參演的劇集《野人老師》正在熱播，她讚劇集製作用心，又指其角色既是女強人，又是江湖人物的女兒，故出場時要營造氣勢，自爆有一幕要拍了多次：「我要好有氣勢行出嚟，本身性格好靜，好開心有呢個角色畀我試到，好好玩，劇入面又要做媽咪，又做人妻同前妻，人生未經歷過。」她自認是「澱粉質焚化爐」，3餐吃米線也不會厭，情有獨鍾木瓜魚湯米線，相信能以形補形，身材愈大愈好。