沈震軒兩度離巢TVB 《使徒行者》人氣急升卻被雪藏 女友陳欣妍透露10月回港

沈震軒

38歲沈震軒2007年參加TVB《TVbeople》選拔賽繼而經藝員訓練班入行,以《潛行狙擊》「爆登」以及《使徒行者》連浩勤一角令觀眾留下深刻印象,佢喺2016年離巢,實行歌影視三棲發展。直至2019年簽約邵氏兄弟,同時以部頭合約形式回巢TVB,不過據知沈震軒同邵氏嘅合約已完,而佢今個月亦會同TVB結束賓主關係,再次離巢。

沈震軒2012年喺電影《喜愛夜蒲2》飾演有「蘭桂坊USB」之稱「Don」,打響知名度同時憑該角色獲得第32屆香港電影金像獎「最佳新演員」提名,不過劇中「花心壞男」形象令佢被定形。直到2014年,沈震軒頂上《使徒行者》「連浩勤」一角令佢再度人氣急升,而有傳聞指佢當年因高調放風唔續約而被雪藏。

2016年,沈震軒離巢向外闖,除咗出唱片,更擔正ViuTV劇集《好人好姐》,同足足大成廿年嘅劉美君玩「母子戀」。沈震軒喺2019年又再回巢TVB並簽約邵氏,佢解釋指自己中意走來走去、嘗試新環境學習更多事物,不過呢兩年期間,沈震軒就只係拍攝咗兩套TVB劇《一笑渡凡間》、《超能使者》以及一套邵氏劇《非凡三俠》,其餘時間幾乎都喺內地工作,2020年曾憑《孽鏡台》於《第七屆微電影「創+作」支援計劃(音樂篇)》頒獎典禮奪微電影男主角金獎。女友陳欣妍亦透露沈震軒預計會喺10月返香港,終於同男友唔使以視像見面。

沈震軒
沈震軒
沈震軒《一笑渡凡間》
沈震軒《一笑渡凡間》
沈震軒
沈震軒
沈震軒
沈震軒
沈震軒
沈震軒

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!