環球趣聞|沙特阿拉伯花逾4萬億興建「一幢大樓」 等同23個香港 可容納900萬人!

沙特阿拉伯將以5千億美金興建一座未來城市NEOM。
(圖:theneomcity@twitter)
沙特阿拉伯將以5千億美金興建一座未來城市NEOM。 (圖:theneomcity@twitter)

眾所周知中東國家財雄勢大,每每發表驚人規劃,其建築物更係劃時代創新,近日沙特阿拉伯王儲就向外公佈一項全新計劃,將以5千億美金(約4萬億港元)於西北部紅海海濱地帶興建一座新城市,但就並非大家咁諗係正常城市,而係一幢巨型建築物可容納900萬人!

日後全城人士可以兩幢大樓中自由出入,會內建鐵路用作交通。
(圖:theneomcity@twitter)
日後全城人士可以兩幢大樓中自由出入,會內建鐵路用作交通。 (圖:theneomcity@twitter)

呢個名為NEOM嘅城市大計,會由兩座名為「The Line」嘅大樓組成,大樓闊200米、長達170公里,高500米(比香港最高IFC仲要高16米),總樓面面積達2.65萬平方米,等同約23個香港!如此破天荒設計係希望日後全城人士可以兩幢大樓中自由出入,其中會內建鐵路,5分鐘內可以到達大樓任何地方,大樓中有居住地區外亦設有娛樂休閒、醫療、工作等場所,亦會用上環保能源,無任何汽車、道路等污染排放。

未來可能全球各地大城市都會變成一座座巨型建築呢。
(圖:theneomcity@twitter)
未來可能全球各地大城市都會變成一座座巨型建築呢。 (圖:theneomcity@twitter)

唔少網民表示十分期待,覺得未來可能全球各地大城市都會變成一座座巨型建築,以避開地面嘅天災及氣候影響,不過亦有人話等同住入一座巨大監獄,由出世、生活至死亡都離唔開大樓,大家又點睇呢?

相關文章:

最新護照免簽指數排行榜出爐!日本創新高獲193地免簽成「最強護照」 香港穩守第18位!

環球趣聞|俄國翻版麥當勞連薯條都無 仲賣發霉麵包?

環球趣聞|網友廉航點餐貨不對辦 雞肉三文治只得「幾條生菜」?