法國餐廳設計「冠狀病毒」甜品 你夠唔夠膽咬?
肺炎疫情直撲全球,這邊廂香港感染數字好似放緩;但歐洲一邊卻大爆發,尤其多個大國例如德國、西班牙、意大利、法國等,人數每日都以3位數字上升,非常恐怖。
歐洲唔少國家都封城,好似最嚴重嘅意大利,所有商店必須關門;而鄰國法國都一樣有極高感染人數,不過未至於要餐廳等商店全部關門。有一間餐廳唔知係咪想逆市中搵Gimmick拉客,竟然由主廚Jean Francois Pre創作出一款「冠狀病毒」復活蛋甜品!
下個月係復活節,餐廳慣性會設計特別復活蛋,今年不幸出現疫情,但傳統就係傳統,於是餐廳都堅持繼續,Jean就忽發奇想,不如就整出呢一粒外表係黑色,外邊貼上紅色扁桃,尤如一粒粒冠狀病毒造型嘅朱古力復活蛋。Jean話希望大家可以用嚟出下氣,大大力咬落去懲罰佢咁話。不過如此造型,令人諗起之前網上傳出嘅金菇牛丸病毒圖,怕怕!
相關文章:
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新