法官審案金句多 網友︰呢啲官先至夠貼地

19+

 

因為呢期嘅新聞,好多人先發現法治有幾緊要。

 

維護公義嘅其中一個重要角色,一定係法官。

成日話法律不外乎人情,但係法官要平衡晒「法」同「情」,

少啲功架都唔掂。

 

可能大家真係好關注香港嘅法治,有網友由唔少法庭新聞入面,

發現有位法官簡直係金句王。

喺裁判法院擔任主任裁判官嘅吳蕙芳,今個星期審理一單發生喺酒店嘅襲擊案,

被告係以投資移民由內地來港定居嘅中年男子。

吳官聽完案情後斥責被告「帶埋啲陋習嚟香港,國家都無面」。

呢句令唔少網民讚好,仲將吳官過往嘅金句節錄。

 

例如審理長者走私奶粉往內地嘅案件時,

指上年紀嘅被告「老當益壯 ,運咁多奶粉,一定都可以承受牢獄之苦」。

 

一位法律系畢業生飲酒後打女友,吳官直斥被告「格衰」,

「你讀咁多書,廢嘅!」。

 

有位老翁為隱瞞召妓,竟然報假案聲稱被2名男子劫去名錶。

喺庭上,吳官判刑時指「阿伯曳喇你」,

又為被告及其太太當「和事老」,

叫夫妻二人「從此以後擺低件事,唔准再提,無論嗌幾多次交,唔准提」。

家事都搞掂埋,好嘢!

 

教訓被告之餘,仲教埋主控官。

有一單恐嚇案,吳官見到案情提到被告向事主發送嘅短訊入面,

所涉及嘅某個粗口字,喺法庭文件上完全寫錯,

質疑意思完全唔同,並指正「寫少咗個『門』字」!

 

難怪唔少網友大讚,話「呢啲官先至夠貼地」,甚至稱佢係「真女神」!

原post傳送門

你可能還想看