法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續

·3 分鐘文章

TVB深夜重播劇《法網伊人》接近尾聲,當年套劇收視全年第一,換著而家可能已經會拍續集。不過《法網伊人》都有好似日劇嘅延續短篇版SP《法網外的伊人》,卡士仲好強勁,有劉德華、張柏芝、梁詠琪同陳慧珊等巨星客串,郭可盈亦有出場,反而其他原班人馬謝天華、吳綺莉同劉綽琪就冇份。

《法網伊人》結局後幾個月,TVB為李克勤拍音樂特輯,就係借《法》故事展開另一個篇章。

(下面有《法網伊人》劇透)

《法網伊人》結局講到高志朗(李克勤飾)去英國打官司,沈學儀(郭可盈飾)決定跟埋過去,本來二人走到談婚論嫁階段,但係後來學儀同囝囝QQ突然失去蹤影。5年後,高志朗收到沈學儀嘅信,要求喺香港見面,志朗由英國返港準時赴約,不過學儀冇出現,反而遇上另一個沈學儀(梁詠琪飾)。

法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續

呢個沈學儀同男友分開之後,仍然收到念佬不忘嘅前度寄上嘅拼圖,一日一塊。沈學儀因為腦入面有個血管瘤,隨時會死,於是唔敢將拼圖砌好。而志朗發現被跟蹤,於是搵楊明(原本謝天華飾演,特輯冇出現)幫手,得知係由一個叫IC(張柏芝飾)嘅女仔主導,志朗亦懷疑IC偽冒舊愛沈學儀筆跡寫信。

法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續

IC經常整蠱人,當中包括日日食叉燒飯嘅痴情的士司機肥華(劉德華飾)。志朗後來目睹IC將以學儀名義所寫嘅信送上,IC亦答應告知學儀出走真相︰志朗要到美國開會,學儀喺英國同QQ搵學校時遇上車禍,QQ傷重死亡,令學儀悔疚不已,並且到外地旅遊散心,因而認識IC。IC決定替學儀交代一切。而另一邊廂的沈學儀(梁詠琪)舊患復發,生命危在旦夕……

法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續
法網伊人︳極隱秘延續篇《法網外的伊人》 劉德華張柏芝梁詠琪客串 郭可盈交代驚人後續

呢個陣容咁厲害,不過收視麻麻只有15點,而且劇情其實都有啲膠,同《法網伊人》亦冇咩關連。《法網外的伊人》拍攝時有傳柏芝同謝霆鋒感情關係糾纏不清,克勤當時大讚柏芝「道行高」,本身已經唔開心都肯出手幫助,夠晒義氣喎。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能