雅虎香港新聞 Yahoo Travel HK
波音研發新技術 從此搭飛機無氣流？
相信對於大部份嘅人嚟講，搭飛機其中一樣最辛苦嘅嘢就係遇到氣流，唔單止唔可以離開座位，而且對離心力敏感嘅人更加會坐立不安。不過各位討厭氣流嘅人士，你哋有希望啦，因為最近波音公司就公布咗一個新嘅技術，既可以預測到潛在嘅危險， 仲可以引導周圍嘅飛機作應變，簡單來講就係有機會搭飛機唔使再面臨強烈嘅氣流。
今次呢一個新發明嘅概念來自日本宇宙航空研究開發機構（JAXA），而且根據聯邦航空局嘅統計，喺2016年因為氣流發生嘅飛行事故由21宗增加到44宗，所以絕對有呢方面嘅需要。
呢一項新嘅發明，最主要係透過激光雷達來削滅氣流對航班嘅影響，工作人員可以透過觀察分段中嘅反射光速，去量度激光器方向嘅風速，從而可以計算出一個準確嘅數字去顯示飛機前面17.5公里嘅風力潛力，同時令到飛行員可以有足夠嘅時間採取一啲適當嘅應變措施，去應付突發情況，例如係避免風速嘅突然轉變同埋一啲強勁嘅氣流，因為一般來講飛行人員並唔能夠透過視覺觀察去發現呢啲異常，而新嘅發明就會係有異常情況之下觸發一啲音頻 ，並將佢哋廣播比飛行員同埋客艙乘務員知道，令到佢哋起碼有多60秒嘅時間去緩衝。
呢項激光雷達研究技術最快會係2018年進行，相信到時喺航空界一定會帶一番新氣象，唔知大家對於呢行技術又有咩睇法呢。
呢項新嘅發明令到機司可以有更多時間去應變。
有咗呢項新嘅發明 ，搭飛機就唔使再驚有氣流會倒瀉野飲。
相關文章
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
