泰國旅遊｜泰國政府預計明年遊客增3倍！熱門景點「復活島」將開放邊境

大家可能都認識身邊有朋友開始去旅行，其中一個被人考慮得最多嘅國家相信係泰國，因為泰國為第一批於疫情放緩時開放邊境予遊客嘅國家。自去年11月開始開放後慢慢再逐步取消所有限制，包括剛剛7月取消Thailand Pass，即旅客預先入境申報表，正式回復疫情前狀態，2021年泰國總遊客人數為600萬人次，雖然比起疫情前4,000萬人次仍然相距甚遠，但比起世界好多旅遊國家都已經係十分好，政府預計明年可以大增3倍至1,900萬人次。

至於將會開放邊境嘅熱門旅遊地點就係智利復活島，呢個位於智利海岸以西3,500公里外嘅小島，以摩艾像聞名於世，自疫情後所有來往航班一直停飛至今兩年，由以往每年平均有16萬名旅客跌至零，日前正式宣佈開關，下月月頭將有第一批遊客到達。一向只有旅遊業嘅復活島自關閉後居民生活異常艱苦，好多居民由原本招待遊客，但無收入後惟有改為種菜耕田。復活島其實由疫情開始至今只有兩宗病例，無任何住院及死亡個案，相信通關後肯定吸引一大班遊客前往呢。

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

KKday推出「泰興奮」泰國旅遊專頁！曼谷、布吉、清邁行程優惠＋附即減HK$40優惠碼！

最新護照免簽指數排行榜出爐！日本創新高獲193地免簽成「最強護照」 香港穩守第18位！

旅遊趣聞｜帶麥當勞早餐入境澳洲 旅客竟被重罰$15,000？

環球趣聞｜疫後航空界勁缺人 英國機場竟出現「行李山」？

環球趣聞｜沙特阿拉伯花逾4萬億興建「一幢大樓」 等同23個香港 可容納900萬人！