洗廁所作嘔 馬俊怡為家務嗌分手

東方日報
·1 分鐘文章
陳婉婷(左起)、邱晴及Rose拍節目接受家務考驗。
陳婉婷(左起)、邱晴及Rose拍節目接受家務考驗。

Rose克服床照風波,努力工作強攻幕前,最近就與邱晴、陳婉婷、伍詠詩及王頌茵等幾位靚女齊齊拍攝ViuTV真人騷節目《家務戰場》。她自評做家務中規中矩,但有個死穴:「我係好憎洗廁所嘅人,連屋企個廁所都唔會洗,係叫屋企人或者請鐘點洗。呢個節目好挑戰人嘅底線,令到你好想死!因為我要幫人哋洗廁所,仲係好多污漬,我邊洗邊作嘔!」

她又笑言懂烹飪的男生不特別吸引,反而肯做家務的男生會加分:「我唔接受另一半完全唔做家務,我試過同個唔係好肯做家務嘅男仔拍拖,最後解決方法係請鐘點,但長此下去唔係辦法,因為請都係每星期1、2次,有時食完飯都要抹枱,最後呢樣嘢就成為分手導火線之一。」